2012X3 saioa

Estreinaldia: ETB3 2012/01/31 23:00

Arantza Garcés NDK60

Saio honetan, Europako Firefox-en arduraduna izango dugu.

Halaber, memeak zer diren ezagutuko dugu.

Tendumi-ko kideek onlineko kanpin gida originala erakutsiko digute.

USER atalean, El Agorante Aberrante izango dugu.

Eta beti bezala, ikusi beharreko Bonus Track izugarri bat.

Emisión con comentarios de twitter en directo.
Twitter-eko iruzkinak zuzenean emango ditugu.
23:00 ETB3 2012/01/31
hashtag #nickdutnik

2012X2 saioa

Estreinaldia: ETB3 2012/01/24 23:00

Saio honetan, Sandy Lieberson-ek zinearen munduan bizi dituen esperentziak kontatuko dizkigu.

Halaber, Gaurko Hitza-ren 3. urteurrena ospatuko dugu.

Vicomtech-en zuzeneko errealizazioak nola egiten diren azalduko digute.

USER atalean, El Audímetro blogaren idazlea izango dugu: Estefanía Jiménez.

Eta beti bezala, ikusi beharreko Bonus Track izugarri bat izango dugu.

2012X1 saioa

Estreinaldia: ETB3 2012/01/17 23:00

Lehenengo saio honetan, Keiichi Matsuda bideosortzailea elkarrizketatuko dugu. Berak errealitate hiper-hedatua izango du hizpide eta alor horretan burutu duen lana erakutsiko digu.

www.esquelasonline.com izeneko eskela-webgunearen sortzaileak ezagutuko ditugu.

QR kodeak zer diren azaltzen saiatuko gara eta halaber, gure saiokoak nola erabili behar ditugun ikusiko dugu.

USER atalean Aritz Aranburu surflaria elkarrizketatuko dugu.

Eta beti bezala, ikusi beharreko Bonus Track izugarri bat izango dugu.

Hemen dituzu 3. denboraldiko 1. saioko edukien loturak:

El cosmonauta
Azpiriart
Old Spice Campaign
Tippexperience
Tokikom
Cute Overload
Vídeo de Ok Go

Saioaren bukaeran jarri dugun QR kodearen bidez iritsi bazara, telebista eta segapotoa lotzea lortu duzu. Ongi Etorri .

Saio guztien bukaeran agertuko den QR kodeak zuzenean ekarriko zaitu blogera, ikusi berri duzun saioaren inguruko informazio guztia erraz eskura dezazun. Saio zaharren loturak ere aurkituko dituzu, noski.

Jolas edo esperimentu txiki bat besterik ez da hau, sarera konektatuta eta deskonektatuta dauden gailuak elkarrekin lotzeko. Denborarekin hobetzen joango gara.

Nahi baduzu, zure QR kode propioak sortu ditzakezu, webgune honetatik:

QR code generator

Kodeok irakurtzeko, zure sakelakoan horretarako aplikazioa instalatu behar duzu. Gero, kamararekin QR kodera apuntatu, eta programak kodea irakurri eta haren edukira eramango zaitu.

Aplikazioak asko dira. Android erabiltzen baduzu, ScanLife gomendatzen dizugu. QR-Code hauei buruz gehiago jakin nahi baduzu, egon adi, laster argitaratuko dugu horri buruzko sarreratxo bat.

Nickdutnik -ek webgune berria du. Beta fasean dago oraindik, baina baditu aurkezteko irrikatan gauden hainbat berrikuntza.

Saioaren oinarrizko hizkuntza euskara da hasieratik, baina orain, gainera, beste hizkuntza batzuetan ere argitaratuko ditugu edukiak.

2010eko maiatzean hasita, saioaren gaztelerazko bertsioa ere ikus dezakezue (gaur egun ETB2n emititzen da, igande eguerdian). Oraindik ez dakigu noiz, baina laster saioa ingelesezko azpitituluekin ere hasiko gara emititzen.  Webgune berrian hiru hizkuntzak txertatu ditugu jadanik, pantailaren goiko aldean dituzu aukeran.

Gainera edukiak antolatzeko era berria prestatu dugu, gaika eta atalka.

Aukera berrien artean, bideoak deskargatzeko aukera aurkituko duzu, bai eta sare sozialetan konpartitzekoa ere.

Maiatza beste zenbait berrikuntza prestatzen emango dugu, hala nola bideojolasei eta gadgetei buruzko atal berriak. Alor horiek sarbide handia dute interneten eta aisialdiko esparruan oro har.

Bestalde magazinea ere estreinatu dugu, blog formatuan, Euskadin zein munduan interneten aurkitzen dugun onena idatziz ere ekartzeko asmoz.

Informatzen jarraituko dugu